پشکداریی کورد لە زانستە ئایینییەکان لە دیمەشق لە سەردەمی مەمالیکدا (٦٥٨ - ٩٢٢ ک/ ١٢٦٠ - ١٥١٦ ز)

(تویژینەوەیەکی میژوویی-شارستانیيە)

پوختە

ئەم توێژینەوە مێژوویییە لەژێر ناونیشانی «پشکداریی کورد لە زانستە ئایینییەکان لە دیمەشق
لە سەردەمی مەمالیکدا ) ٦٥٨ - ٩٢٢ ک/ ١٢٦٠ - ١٥١٦ ز( ». کورد بە یەکێک لە نەتەوە موسڵمانەکان
دادەنرێت لە دەرەوەی زێدی خۆیان، زیاتر لە باکووری وڵاتی شام و بەتایبەتی دیمەشق ڕۆڵی
کارایان هەبوو. ئەم شارە مەڵبەندی ژمارەیەکی زۆری هۆزی نەتەوەی کوردی تێدا نیشتەجێ بووە.
لەسەردەمی مەمالیکدا کورد ڕۆڵێکی بەرچاوی هەبوو لە بەرەوپێشردنی ژیانی زانستی ئایینیی
شارەکە و خزمەتی بەرچاویان پێشکەش بە کۆمەڵگەی دیمەشق کردووە. لەم توێژینەوەیەدا، تیشک
خراوەتە سەر دیاترین ئەم زانستە ئایینیانەی کە ڕۆڵی کوردیان تێدا دروەشاوەتەوە، بەتایبەتی لە
زانستەکانی قورئانی پیرۆز و فەرموودە و شەرعزانی )فقە(، وێڕای باسکردنی ڕۆڵی زاناکانی کورد لە
زانستی سۆفیگەری، ئەو زانا کوردانەی لە هەریەک لەم زانستانە پشکدار بوون، بەرهەمە زانستە
ئایینیەکان لە دیمەشق و دەرەوی شارەکە خراوەتە ڕوو.