توانای تێگەیشتنی دەق لای قوتابیانی زانکۆ
:
https://doi.org/10.56422/ka.3.61.581:
تێگەیشتن - خوێندنەوە - خێرایی خوێندنەوە - تواناپوختە
توێژینەوەکە بە ناونیشانى (توانای تێگەیشتنی دەق لای قوتابیانی زانکۆ) ، قوتابیانی زانکۆی سەڵا‌‌حەدین کۆلیژی زمان بەشی زمانی کوردی بۆ ساڵی خوێندنی(٢٠٢١-٢٠٢٢) بە نموونە وەرگیراون. بێگومان تێگەیشتن بنەمایەکی سەرەکی و ئامانجی سەرەکیيە لە پرۆسەی خوێندنەوەدا. لەسەردەمی ئەمرۆدا تێنەگەیشتن لە خوێندنەوە لە پرۆسەی خوێندندا گرفتی بەشێکی زۆری قوتابیانە، هەر ئەمەش یەکێک بوو لە هۆکارەکانی هەڵبژاردنی ئەم بابەتە بۆ توێژینەوە. بۆ بەدەستهێنانی ئەنجامەکانی توێژینەوەکە پشت بە ڕێبازی وەسفی شیکاری بەستراوە، ئامانج لەم توێژینەوەیە زانینی توانای تێگەیشتنی دەقە لای قوتابیانی زانکۆ و وەڵامدانەوەی چەند پرسیارێکە : ئایا توانای تێگەیشتنی دەق لای قوتابیانی زانکۆ –بەشی کوردی لە چ ئاستێکدایە؟ ئایا پەیوەندی لە نێوان خێرایی خوێندنەوە و توانای تێگەیشتندا هەيە؟ ئایا پەیوەندی لە نێوان رەگەز (نێر، مێ) و توانای تێگەیشتندا هەیە ؟ لە ئەنجامدا دەرکەوت، توانای تێگەیشتنی دەق لای قوتابیانی بەشی کوردی کۆلێژی زمان لە ئاستێکی زۆر باشدایە و پەیوەندییەکی پێچەوانە لە نێوان خێرایی خوێندنەوەو توانای تێگەیشتندا هەیە، ڕەگەز کاریگەری لەسەر توانای تێگەیشتن نییە ، لە کۆتایی توێژینەوەکەشدا چەند ئەنجامێک و لیستی سەرچاوەکان خراونەتەڕوو.
