بەستن د سەرهاتیا کوردیدا ل دویڤ تیۆرا دى بوگراندى
:
https://doi.org/10.56422/jka.4.65.904پوختە
ئەڤ ڤەکۆلینە ل ژێر ناڤونیشانێ(بەستن د سەرهاتیا کوردیدا ل دویڤ تیۆرا دى بوگراندى)یە. بەستن ئێک ژ بابەتێن گرنگێن هەڤگرێدانێیە د دەقیدا. دەق ژ چەند ڕستێن ل دویڤ ئێکدا پێکدهێت، بەستن و ئامرازێن بەستنێ جۆرێ پەیوەندیا دناڤبەرا ڕستاندا دیاردکەن، ئەڤەژى بڕێکا هندەک مۆڕفیم و پەیڤان هەڤگرێدانا ڕێزمانى پەیدادبیت. بەستن د زمانێ کوردیدا ب ڕەنگەکێ هویر نەهاتیە ئەنجامدان، ئەم گریمانە دکەین کو هەمى جۆرێن بەستنێ د دەقێ سەرهاتیا کوردیدا هەبن، ئارمانجا مە دەستنیشانکرنا ئامراز و جۆرێن بەستنێیە د دەقێ سەرهاتیا کوردیدا بۆ ڤێ مەرەمێ تیۆرا (دى بوگراند)ى هاتیە پراکتیکرن ل دویڤ ڕێبازا وەسفى شرۆڤەکارى. د ئەنجامدا دیاربوو کو هەر چوار جۆرێن بەستنا (کومکرنا ڕەها، هەلبژاردەیى، بەروڤاژى، دیڤەلانک) هەنە، هەرئێک ب ڕێکا چەندین ئامرازان نواندنا بەستنێ د زمانیدا دکەت. هەردیسا تا ڕادەیەکێ باش ئەڤ پۆلینکرنە دگەل زمانێ کوردى دگونجیت، دگەل هندێ ژى هندەک ئامراز نەشێن بچنە ژێر چ ژ ئەوان جۆران. ڤەکۆلین ب ڕەنگەکێ گشتى پێکدهێت ژ لایەنێ تیۆریێ دەقى و بۆچوونا دى بوگراندى بۆ دەقى، هەڤگرێدانێ، هەروەسا بەستن و تایبەتمەندیێن بەستنێ گرنگیا بکارهینانا ئامرازێن بەستنێ، جۆرێن بەستنێ بخۆڤەدگریت. لایەنێ پراکتیکیێ ڤەکۆلینێ چەند دەقەک ژ سەرهاتیا کوردى هاتینە وەرگرتن، ئامراز و جۆرێن بەستنێ تیدا هاتینە دەستنیشانکرن.
