کاریگەرییا سیمبۆلان ل سەر کریارێن ترساندن و پشتڕاستکرنێ
گوتارا سیاسییا كوردی وەک نموونە
:
https://doi.org/10.56422/jka.2.67.967پوختە
گوتارا سیاسی ب تنێ گرێدایی ڤەگوهاستنا زانیارییان نینە، بەلكو خزمەتا ئاڤاكرنا واتایێ، ڕەواییكرنا دەستهەلاتێ و كارتێكرنێ ل سەر ڕایا گشتی دكەت. گوتارا سیاسی گەلەك جاران بكارهینانا ستراتیجییا زمانی ب خوەڤە دگریت كو تێدا كەسایەتییێن سیاسی تەكنیكێن ڕەوانبێژییێ یێن تایبەت و ئالاڤێن زمانی و سیمبۆلان بكاردهینن، داكو كاریگەرییێ ل سەر وەرگری بكەن. ژ ئەڤێ چەندێ، ئەڤ ڤەكۆلینە شرۆڤەكرنەكا ستراتیجی و میكانیزمێن کاریگەرییا بكارهینانا سیمبۆلان ل سەر کریارێن ترساندن و پشتڕاستكرنێیە د ناڤ گوتارا سیاسییا كوردیدا، ب تایبەت ل سەر گوتارێن مەسعود بارزانی د ماوەیێ د ناڤبەرا سالێن (٢٠٢٣-٢٠٢٥)دا. ڤەكۆلین ب ڕێكا پشتبەستنێ ل سەر ڕێبازا وەسفی شیكاری و كریارێن ئاخفتنێ، شرۆڤەكرنەكا هویر بۆ گوتارێن دەستنیشانكری ئەنجامددەت. ئەنجام دیاردكەن كو ستراتیجییا ترساندنێ ب شێوەیەكێ سەرەكی ب ڕێكا گرێدانا ڕویدانێن نوكە ب سیمبۆلێن تراجیدییێن بیرەوەرییا هەڤپشكڤە وەکو( ئەنفال و كیمیاباران،...هتد) دهێتە ئاڤاكرن، د هەمان دەمدا، پشتڕاستكرن ب ڕێكا بكارهینانا سیمبۆلێن ئەرێنی یێن دیرۆكی وەکو( شۆڕەشا ئەیلوولێ، پێکڤەژیان، مەلا مستەفا بارزانى...هتد) دهێتە ئاڤاكرن، داكو چیرۆكەكا نەتەوەیی یا خوەڕاگری و هیڤییێ بهێز بئێخیت. ل دووماهییێ، ڤەكۆلین دياردكەت كو سیمبۆل د ئەڤی چارچۆڤەییدا ب تنێ ئامرازێن وەسفكرنێ نینن، بەلكو ئامرازێن پراگماتیكی و ئەنجامدەرێن بهێزن بۆ ئاڕاستەكرنا جەماوەری و بهێزكرنا هەژمۆنییا سیاسی.
پەیڤێن سەرەكی: گوتارا سیاسی، سیمبۆل، ترساندن، پشتڕاستركرن، پراگماتیك.
