بەها پەروەردەییەکان لە «پەرتووکی زمان و ئەدەبی کوردی پۆلی حەوتەم- بەشی خوێندنەوە » بە نموونە
DOI:
https://doi.org/10.56422/ka.1.59.530الملخص
ناونیشانی توێژینەوەکە بەها پەروەردەییەکان لە «پەرتووکی زمان و ئەدەبی کوردی پۆلی حەوتەم-
بەشی خوێندنەوە » بە نموونەیە، بەشێکی پوخت کراوە لە تێزی دکتۆرا. ئاماژەپێکردنی بەهاکان لە
ڕووی تیۆرییەوە، هەروەها باسکردنی بەها بە گشتی و دیاریکردنی بەهاکان لە پەرتووکی زمان و
ئەدەبی کوردیی پۆلی حەوتەمی بنەڕەتی، بەشی خوێندنەوە لە زۆرترینەوە بۆ کەمترین، خستنەڕووی
ڕێژەی ئەو بەهایانە ئامانجی توێژینەوەکەمانە، بۆ زانینی جۆر و جۆری وردتری بەهاکان بەپێی
ئەو پۆلینەی بۆ بەها پەروەردەییەکان پێشکەشان کردووە. تیشکخستنەسەر گرنگترین بەها کە لە
ڕستەکاندا گرنگی پێ دراوە، یاخود ئایا لەو پۆلینەی پێشکەشان کردووە چ بەهایەک فەرامۆش کراوە،
کە بۆ پێشخستنی بواری پەروەردە پێویستە. لە بەشی خوێندنەوەی پۆلی حەوتەمی بنەرەتیدا، لە
کۆی ٩٩ ڕستەدا، ١٦٨ جۆری بەها بەکار هاتوون، هەروەها زۆرترین جۆری بەهای بەکارهاتوو، بەها
کەسییەکانن ژمارەیان ٩٣ بەهایە، کەمترینیشیان بەهای جوانییە ژمارەیان ٣ بەهایە.
