پلانێن لەشکەریێن هێزێن پێشمەرگەی د شەرێن دەڤەرا بەهدینان دا د ناڤبەرا ١١ ئەیلوولا ١٩٦١ – ٨ شوباتا ١٩

پوختە

هەر چەندە بابەتێ شورەشا ئەیلوولێ ) ١٩٦١ - ١٩٧٥ ( ئێک ژ بابەتێن هەرە گرنگێن دیروکا کوردستانێ
یە د سەدێ بیستێ دا، بەلێ هێشتا گەلەک لایەنێن وێ ڤەشارتى ماینە و ڤەکولین ل سەر نە
هاتینەکرن. بابەتێ پلانێن لەشکەریێن هێزێن پێشمەرگەی ژی ئێک ژ ئەوان بابەتانە کو تا ئەڤرو
مافێ خۆ د نڤێسینێن دیروکیدا وەرنەگرتیە، لەورا ئەڤ ڤەکولینە پێکولەکە ژ بۆ پرکرنا ئەوێ ڤالاهییا
هەی د ئەڤی بواریدا نەخاسمە ل دەڤەرا بەهدینان کو شەرێن دەستپێکێ یێن شورەشا ئەیلوولێ ل
ئەوێ دەڤەرێ رویداینە.
ئەڤ ڤەکولینە پێکولەکە ژ بۆ دیارکرنا شێوازێن شەرێن پێشمەرگەیان و پلانێن لەشکەریێن ئەوان
ل دەڤەرا بەهدینان د ئەوان شەرێن د ماوەیێ سالێن ) ١٩٦١ - ١٩٦٣ ( هاتینە رویدان، د ئەڤی ماوەیدا
کومەکا شەران و کریارێن لەشکەری رویداینە، وەکی: شەرێ گەلیێ زاویتە، لومانا – کەڤلەسنێ، گەلیێ
قەنتارە، گەلیێ زاخۆ، وکریارا عەین زالە کو پێشمەرگەیان سەرکەڤتنێن مەزن تێدا ب دەستخوڤە
هیناینە و ئەڤە ژی دزڤریتە ڤە بۆ ئەوان پلانێن لەشكەریێن سەركەڤتی یێن ژلای ێ مەلا مستەفا
بارزانی و سەرکردێن پێشمەرگەیان هاتینە دانان. ئەڤ سەرکەڤتنە بوونە ئەگەرێ بەردەوامبوونا
شورەشێ تا سالا ١٩٧٥ و روبەرەکێ بەرفرەهێ جوگرافیا باشوورێ کوردستانێ بخوڤە بگرین هەر
ژ زاخۆ تاکو خانەقینێ، و کاریگەرییا خۆ ل سەر ئاستێ دوزا کوردی ل نافخو و و دەرڤە ژى هەبیت.