تەكنیكێن پرسکرن ێ و لۆژیكا بەرسڤڤەدانا و ێ د ئەدەب ێ كوردیدا پرسکرنەكا خانی و بەرسڤڤەدانا "حاجی قادری كۆیی" وەک نموونە
:
https://doi.org/10.56422/jka.4.65.811:
پرسیار، پرسکرن، بەرسڤ، بەرسڤڤەدان، ئایین و دەولەتپوختە
ئاخڤتن بنەمایەكا سەرەكییە د ئاڤاكرنا كەسایەتییا مرۆڤی و ڕێكخستنا پێوەندیێن وی دگەل ئەوێن دیكە دا. زەحمەتترین تەكنیكێن ئاخڤتنێ ژی، چێكرن و دەربڕینا پرسانە، چونكە ئاستێ زانستیێ پرسكەری و پێگیرییا وی ب بهایێن بلند ڤە و شارەزایا وی د شێوازێ دەربڕینێ دا د ئەڤێ تەكنێكێ دا دیار دبن. ئەگەر یەكەم پێنگاڤا پرسکرنێ ژی، ژ تەكنیكێن درستكرنا وێ دەستپێ بكەت، ئەڤە مەبەستا وێ بۆ ئارمانجەكێ هەولددەت. ئەو هەولدان ژی، جارەكا دیكە ل جەم كەسێ بەرانبەر دا دبیتە سەرەتایا قۆناغەكا نوی، كو ژ لۆژیكا ڤەدیتنا بەرسڤڤەدانا وێ دەستپێ دكەت و خوە نێزیكی ئارمانجا پرسکرنێ دكەت. بدەستڤەئینانا ئارمانجێ ژی دبیتە چەقێ هەڤكێشەیەكا هەڤسەنگ د ناڤبەرا هەر پرسکرنەكێ و بەرسڤڤەدانا وێ دا. ل ڤێرە دووڕیانەكا چاڤەڕێنەكری دهێتە پێش، كو هەبوون و پاراستنا ئەوێ هەڤسەنگیێ ل سەر تەكنیكێن درستكرنا پرسکرنێ و لۆژیكا بەرسڤڤەدانا وێ ڕادوەستیت. ئەڤ جۆرێ هەڤکێشەیێ د ئەدەبێ بایە بلند دا دهێتە دیتن. ئەڤ نموونەیە د ئەدەبێ کوردی دا هەنە، لێ ب شێوەیەکێ زانستی نەهاتینە دەستنیشانکرن، کو تەکنیکێن درستبوونا وان بهێنە شرۆڤەکرن و وزەیا فەلسەفەیا وان ژی بهێتە ڤەدیتن. ژبۆ سەلماندنا ئەڤێ ڕاستیێ ژی، پرسکرنەكا ئەحمەدێ خانی و بەرسڤڤەدانەكا حاجی قادرێ كۆیی هاتینە دەستنیشانكرن و كار ل سەر ئەوێ هەڤكێشەیێ هاتییەكرن، ئەوا هەردوو ئالیێن وێ هەڤسەنگ دكەت
