بەراوردییەکا شوناسەییا سروشت وگوندایەتیێ ژلایێ سەقا وجهێن ئاکنجیبوونێ، دناڤبەرا ڕۆمانێن(گوند) و (تحت ظلال النخيل)دا

Abstract

 شوناس وەکو بابەتەکێ گرنگ ژچەندین سالوخەت وتایبەتمەندیان پێک دهێت، کو دبنە ئەگەرێ ژێک جوداکرنا کەسایەتی ومللەتێن ژێک جودا، هەر مللەتەکی هندەک تایبەتمەندی هەنە دبنە شوناسەکا تایبەت بۆ وی جودا ژمللەتێن دیتر. دڤێ ڤەکولینێدا بەراوردی دناڤبەرا سەقا وجهێن ئاکنجیبوونێ،وەکو تایبەتمەندی وشوناسەکا تایبەت بۆ دوو نەتەوێن ژێک جیاواز هاتییە ئەنجامدان. لەوڕا دڤەکولینێدا بزاڤ هاتییە کرن کا ئایا سەقا وجهـ وشێوازێن ئاڤەدانکرنێ چەوا دبنە شوناسەیەکا تایبەت بۆ دوو مللەتان؟هەروەسا ئەو چ فاکتەرێن سەرەکینە بووینە ئەگەر کو سەقا وجهێن ئاکنجیبوونێ شوناسەکا تایبەت بدەنە وان دەڤەران؟ پێکهاتا ڤێ ڤەکولینێ ژپێشەکییەکێ ودوو پشکان پێک دهێت. دپشکا ئێکێدا سەقایێ باشورێ کوردستان ودەڤەرا ئەهواران ل باشورێ عیراقێ هاتینە ڕوونکرن زێدەباری دیارکرنا ڕەنگڤەدانا سەقای دڕۆمانانێن [گوند] و[تحت ظلال النخيل] دا. دپشکا دووێدا جهێن ئاکنجیبوون وشێوازێن ئاڤەدانیێ ل هەردوو دەڤەران هاتینە باس کرن. دگەل ڕەنگڤەدانا وان دهەردوو ڕۆماناندا. ول داویێ ڤەکولین ب کومەکا ئەنجام ولیستا ژێدەران وپوختەیا ڤەکولینێ ب چەند زمانێن جیاواز ب دووماهیک دهێت .