ژمارە د گوڤەرا بەهدیندا (لێکۆلینەکا دەنگسازی و مۆرفۆلۆجی)

پوختە

   ئەڤ لێکۆلینە ل ژێر ناڤونیشانێ(ژمارە د گوڤەرا بەهدینیدا "لێکۆلینەکا دەنگسازی و مۆرفۆلۆجی")یە. ئارمانج ژ ئەنجامدانا ئەڤێ لێکۆلینێ دیارکرنا ئەوان دیاردێن دەنگسازیە کو ب سەر فوڕمێ هندەک ژماراندا دهێن، هەروەسا دیارکرنا ڕۆلێ ژمارێ د ڕۆنانا پەیڤێن نویدا، هەردیسان دیارکرنا پێکهاتا مۆرفۆلۆجیا ژماران کا هەر ژمارەک ژلایێ پێکهاتنێڤە د چەوانە. ئەڤ لێکۆلینە ل دویڤ ڕێبازا وەسفیا شیکاری هاتیە ئەنجامدان. ئەم گەهشتینە ئەوی ئەنجامی دیاردێن دەنگسازی(گونجانا نەتەمام، گۆهوڕین، ژ ناڤچوون، پەیدابوون) ڕۆلی دبینن د دروستکرنا  فوڕمێن هندەک ژماراندا، هەروەسا ژمارێ ڕۆلەکێ زۆر چالاک د ڕۆنانا پەیڤێن نویدا هەیە. لێکۆلین ژ دوو پشکان پێکدهێت. پشکا ئێکێ ئەڤان سەرەبابەتان بخۆڤەدگریت(چەمک و زاراڤ و پێناسێن ژمارێ، جۆرێن ژمارێ ژلایێ هەبوونێڤە، جۆرێن ژمارێ ژلایێ واتایێڤە، چەمک و پێناسە و تایبەتمەندی و جۆرێن مۆڕفیمێ). پشکا دووێ ل سەر دوو بەندان هاتیە دابەشکرن، د بەندێ ئێکێدا باس ل ئەوان دیاردێن دەنگسازی هاتینە کرن کو ب سەر فوڕمێ ژماراندا دهێن. د بەندێ دووێدا ئەڤ بابەتە هاتینە باسکرن(جۆرێن ژمارێ ژلایێ پێکهاتنێڤە، ژمارە و بەشێن ئاخڤتنێ، ژمارە و ڕۆنانا پەیڤێن نوی، ژمارە و دیاردا مۆڕفۆفۆنیمی، ژمارە و مۆڕفا بۆش، ژمارە و دووبارەکرن).

پەیڤێن کلیل: ژمارە، دیاردێن دەنگسازی، مۆڕفۆفۆنیم، مۆڕفا بۆش، دووبارەکرن.